நாகர்கோவில், சன 29:

வரவிருக்கும் தமிழக சட்டமன்றத் தேர்தலை முன்னிட்டு, அனைத்திந்திய அண்ணா திராவிட முன்னேற்றக் கழகம் (அதிமுக) சார்பில் தேர்தல் வாக்குறுதிகள் மற்றும் சிறப்புத் திட்டங்களை மக்களிடம் கொண்டு செல்லும் வகையில், கன்னியாகுமரி கிழக்கு மாவட்ட அண்ணா தொழிற்சங்கம் சார்பில் ஆட்டோக்களில் விழிப்புணர்வு ஃப்ளெக்ஸ் ஒட்டும் இயக்கம் தொடங்கப்பட்டது.

முக்கிய திட்டங்கள் மக்கள் மத்தியில் அதிமுக பொதுச்செயலாளர் திரு. எடப்பாடி கே. பழனிசாமி அறிவித்த திட்டங்கள் குறித்து பொதுமக்களுக்கு எடுத்துரைப்பதே இந்த இயக்கத்தின் நோக்கமாகும். அவற்றில்:

• குடும்பத் தலைவிகளுக்கு மாதம் ₹2,000 மகளிர் உரிமைத் தொகை
• பெண்கள் மற்றும் ஆண்களுக்கு இலவசப் பேருந்து பயணம்
• வீடற்றோருக்கு “அம்மா இல்லம்” வீடு வழங்கும் திட்டம்
• 100 நாள் வேலை வாய்ப்பை 150 நாட்களாக உயர்த்தும் திட்டம்

அலுவலகம் முன் துவக்க விழா கன்னியாகுமரி கிழக்கு மாவட்ட அதிமுக அலுவலகம் முன்பாக நடைபெற்ற நிகழ்ச்சியில், கன்னியாகுமரி சட்டமன்ற உறுப்பினரும் கிழக்கு மாவட்டச் செயலாளருமான திரு. தளவாய் சுந்தரம் ஆட்டோக்களில் விழிப்புணர்வு பலகைகளை ஒட்டி இயக்கத்தைத் தொடங்கி வைத்தார்.

முன்னாள் அமைச்சர்கள் பங்கேற்பு நிகழ்வில் முன்னாள் அமைச்சர் திரு. கே.டி. பச்சைமால், நாகர்கோவில் மாநகராட்சி 11வது வார்டு மாமன்ற உறுப்பினரும் வடக்கு மண்டல பகுதி செயலாளருமான திருமதி ஸ்ரீலிஜா முருகேசன், அண்ணா தொழிற்சங்க மாவட்டச் செயலாளர் திரு. வைகுண்டமணி உள்ளிட்டோர் கலந்து கொண்டனர்.

மக்கள் நலத் திட்டங்கள் வீடு தோறும் கட்சியின் மூத்த நிர்வாகிகள், இணைச் செயலாளர்கள் மற்றும் பல்வேறு அணித் தலைவர்கள், மாவட்ட-நகர்-ஒன்றிய நிர்வாகிகள், பொதுமக்கள் என பெரும் திரள் பங்கேற்றது.

நிகழ்ச்சியில் பேசிய நிர்வாகிகள், “மக்கள் விரோத கொள்கைகளை எதிர்த்து, மக்கள் நலத் திட்டங்களை ஒவ்வொரு இல்லத்திற்கும் கொண்டு செல்லும் முதல் படியாக இந்த இயக்கம் அமைகிறது” எனத் தெரிவித்தனர்.

தமிழக விடியல் செய்திகளுக்காக

கேமராமேன் ஜெனீருடன் குமரி மாவட்ட நிருபர் பாவலர் ரியாஸ்.