விநாயகர் சதுர்த்தி என்பது பாரம்பரியமாக விநாயகரின் பிறந்த நாளாகக் கொண்டாடப்படும் திருவிழா. ஆனாலும், இதற்கு பின்னால் சில அறிவியல், இயற்கை தொடர்பான காரணங்கள் உள்ளன.

காலக்கட்டமும் இயற்கை தொடர்பும் ;-
விநாயகர் சதுர்த்தி எப்போதும் ஆவணி மாதம் சுக்லபட்ச சதுர்த்தியில் வருகிறது. இந்தக் காலம் மழைக்காலத்துக்கு உடனான நாட்கள். அப்போது ஈரப்பதம் அதிகம், பூமியில் பாக்டீரியா மற்றும் பூஞ்சை அதிகமாக வளரும். உடல் நோய் எதிர்ப்பு சக்தி குறையும். அதனால், ஆரோக்கியத்தை பாதுகாக்கும் வழக்கங்கள் உருவாக்கப்பட்டன.

விநாயகர் உருவச் சிற்பம் ;-

பாரம்பரியமாக களிமண் மூலமே விநாயகர் உருவம் செய்து வழிபடுகிறார்கள். களிமண் சிலை நீரில் கரையும்போது, அது சுற்றுச்சூழலுக்கு எந்த பாதிப்பும் இல்லாமல் மண் செழிப்பை கூட்டும். இயற்கையை காக்கும் பசுமைச் சிந்தனையை ஊக்குவிக்கிறது.

விநாயகருக்கு நிவேதனம் – மருத்துவ விளக்கம் ;-
விநாயகருக்கு கொடுக்கும் மோதகங்கள், எள்ளுருண்டை, புளியோதரை, உளுந்து கொழுக்கட்டை போன்றவை ஆரோக்கியகரமானவை.
எள் – இரும்புச் சத்து, சூரிய வெப்பத்தால் குறையும் கால்சியம், இரத்தசோகைக்கு உதவும்.
தேங்காய் – உடலுக்கு குளிர்ச்சி தரும், சக்தி தரும்.
உளுந்து – புரதம் நிறைந்தது.
அரிசி : உடல் சக்திக்கான கார்போஹைட்ரேட்டுகள். இதனால் நோய் எதிர்ப்பு சக்தி அதிகரித்து மழைக்கால நோய்களைத் தவிர்க்க உதவுகிறது.

விநாயகர் முதலில்” என்ற வழக்கம் – மனவியல் விளக்கம் ;-
எந்த வேலையையும் தொடங்குவதற்கு முன் விநாயகரை நினைக்கிறோம். இது மனதில் தன்னம்பிக்கையை வளர்க்கிறது.
“தடைகள் நீங்கும்” என்ற நம்பிக்கை, உளவியல் ரீதியாக மன அழுத்தம் குறைக்கிறது.

சமூக சார்ந்த அறிவியல் ;-
விநாயகர் சதுர்த்தி பெரும்பாலும் கூட்டாகக் கொண்டாடப்படும் விழா., இது மக்கள் ஒன்றுபட்டு சமூக ஒற்றுமையை வளர்க்க உதவுகிறது. மொத்தத்தில், விநாயகர் சதுர்த்தி என்பது மதச்சார்புடைய திருவிழாவாக இருந்தாலும், அதன் பின்னால் சுற்றுச்சூழல் பாதுகாப்பு, ஆரோக்கியம், மனநலம், சமூக ஒற்றுமை போன்ற பல அறிவியல் சார்ந்த காரணங்கள் உள்ளன. இதன் காரணமாக விநாயகர் சதுர்த்தி நாளன்று சிறப்பு பூஜைகள் செய்யப்பட்டு வருகின்றன.