02-02-2026, ​கோவை:
​கோவைமாநகராட்சி மத்திய மண்டலம், 80-வது வார்டுக்கு உட்பட்ட ஒக்கிலியர் காலனி மாநகராட்சி மேல்நிலைப் பள்ளியில், தமிழக அரசின் விலையில்லா மிதிவண்டிகள் வழங்கும் நிகழ்ச்சி நடைபெற்றது.

​இவ்விழாவில் 80-வது வார்டு மாமன்ற உறுப்பினரும், பொது சுகாதாரக் குழுத் தலைவருமான திரு.பெ.மாரிசெல்வன் அவர்கள் கலந்துகொண்டு, மாணவ-மாணவிகளுக்குப் புதிய மிதிவண்டிகளை வழங்கினார்.

அப்போது அவர் பேசுகையில் தமிழக முதல்வர் அவர்களின் பொற்கால ஆட்சியில்,கோவை 80-வது வார்டில் மட்டும் இதுவரை 967 மாணவச் செல்வங்களுக்கு விலையில்லா மிதிவண்டிகளை வழங்கியுள்ளது.

என்று கோவை மாநகராட்சி பொது சுகாதாரக் குழுத் தலைவர் பெ.மாரிசெல்வன் பெருமிதத்துடன் தெரிவித்தார்.

​
“தமிழகத்தில் மாண்புமிகு முதலமைச்சர் மு.க. ஸ்டாலின் அவர்கள் பொறுப்பேற்றது முதல், பள்ளிக்கல்வித் துறையில் பொற்கால ஆட்சி நடைபெற்று வருகிறது.

ஏழை எளிய வீட்டுப் பிள்ளைகள் பள்ளிக்குச் செல்வதில் எந்தத் தடங்கலும் இருக்கக்கூடாது என்பதற்காகவே இந்த மிதிவண்டிகள் வழங்கப்படுகின்றன.

​நமது 80-வது வார்டில் மட்டும், திமுக அரசு அமைந்த பிறகு இதுவரை:
​செல்வபுரம் மாநகராட்சி மேல்நிலைப் பள்ளியில் 461 மிதிவண்டிகளும், ஒக்கிலியர் காலனி மேல்நிலைப் பள்ளியில் 506 மிதிவண்டிகளும் என, ​மொத்தம் 967 மாணவ, மாணவிகளுக்கு விலையில்லா மிதிவண்டிகள் வழங்கப்பட்டுள்ளன.

​இது வெறும் புள்ளிவிவரம் அல்ல; 967 குடும்பங்களின் கல்வி வளர்ச்சியில் திமுக அரசு ஏற்றியுள்ள ஒளிவிளக்கு.

மாணவர்களின் நலனில் எப்போதும் அக்கறை கொண்ட அரசாக நமது திமுக அரசு செயல்படுகிறது,” என்று புகழாரம் சூட்டினார்.

​இந்நிகழ்வில் பள்ளி உதவி தலைமையாசிரியர் ராஜேஸ்வரி, பகுதி கழகப் பொறுப்பாளர் என்.ஜே.முருகேசன், வட்டக் கழக செயலாளர் நா.தங்கவேலன் , வட்டக் கழக பொறுப்பாளர்கள் ராஜேஷ் கோபிநாத் ராஜேஷ்வரன் மற்றும் கழக நிர்வாகிகள் மற்றும் ஆசிரியர்கள் உடனிருந்தனர்.

கோவை மாவட்ட செய்தியாளர் : சம்பத்குமார்.