செப் 4, கன்னியாகுமரி

கன்னியாகுமரி மாவட்டம் குளச்சல் கடற்கரை பகுதியில் இன்று (செப். 4) அதிகாலை கடலிலிருந்து திரும்பிய விசைப்படகுகளில் கணவாய் மீன்கள் மற்றும் பல்வேறு வகை கடல் உயிர்கள் அதிக அளவில் கிடைத்ததால், மீனவர்கள் உற்சாகம் அடைந்துள்ளனர்.

தகவல்படி, குளச்சல் கடல்பகுதியில் சுமார் 300-க்கும் மேற்பட்ட விசைப்படகுகளில் ஆயிரத்துக்கும் அதிகமான மீனவர்கள் ஆழ்கடல் மீன்பிடியில் ஈடுபட்டனர். அதில், கரையோரம் திரும்பிய சுமார் 20 விசைப்படகுகளில் கணவாய், தோட்டு கணவாய், ஆக்டோபஸ் போன்ற மீன்கள் பெருமளவில் பிடிபட்டன.

குறிப்பாக, கேரள மாநிலத்தில் ஓணம் பண்டிகை காரணமாக சந்தையில் கடல் உணவுப் பொருட்களுக்கு மிகுந்த தேவை ஏற்பட்டது. இதனால், கேரளாவிலிருந்து வந்த வியாபாரிகள், அதிக விலைக்கு மீன்களை வாங்கிச் சென்றனர்.

இதன் விளைவாக, மீனவர்கள் அதிக லாபம் ஈட்டியதோடு மகிழ்ச்சியையும் வெளிப்படுத்தினர்.

கடல் வளம் நிறைந்த இந்த சீசன் தொடர்ந்து நீடித்தால், குளச்சல் மற்றும் அருகிலுள்ள கடற்கரை பகுதிகளின் மீனவர்கள் பொருளாதார ரீதியில் பெரிதும் பயன் அடைவார்கள் என எதிர்பார்க்கப்படுகிறது.

முக்கிய அம்சங்கள் :

குளச்சல் கடல்பகுதியில் 300+ விசைப்படகுகள் கடலுக்கு புறப்பட்டது

கரை திரும்பிய 20 படகுகளில் கணவாய், ஆக்டோபஸ், தோட்டு கணவாய் மீன்கள் கிடைத்தன

ஓணம் பண்டிகை காரணமாக மீன்கள் அதிக விலையில் விற்பனை

மீனவர்களிடம் பெரும் மகிழ்ச்சி நிலவுகிறது

குமரி மாவட்ட செய்தியாளர் : பாவலர் ரியாஸ்.