கன்னியாகுமரி, டிசம்பர் 6:

கன்னியாகுமரி மாவட்டக் காவல்துறை சார்பில், சுற்றுலாப் பயணிகள் மற்றும் பொதுமக்களின் பாதுகாப்பை மேம்படுத்தும் வகையில் ‘குமரி காவலன்’ (Kumari Kavalan) எனப்படும் அதிநவீன SOS கியோஸ்க் (SOS Kiosk) கருவிகளை நிறுவும் புதிய முயற்சி மேற்கொள்ளப்பட்டுள்ளது.

மாவட்டக் காவல் கண்காணிப்பாளர் டாக்டர் ஸ்டாலின், ஐ.பி.எஸ். (Dr. Stalin IPS) அவர்களின் அறிவுறுத்தலின் பேரில் இந்தத் திட்டம் செயல்படுத்தப்படுகிறது.

இத்திட்டத்தின் முதல் கட்டமாக, கன்னியாகுமரி திரிவேணி சங்கமம் பகுதியில் இந்த நவீன இயந்திரம் நிறுவப்பட உள்ளது.

நாளை (டிசம்பர் 7) மாலை திரிவேணி சங்கமம் பகுதியில் நடைபெறும் விழாவில், மாவட்டக் காவல் கண்காணிப்பாளர் டாக்டர் ஸ்டாலின், ஐ.பி.எஸ். அவர்கள் கலந்துகொண்டு இந்தச் சேவையைத் தொடங்கி வைக்க உள்ளார்.

இந்த அட்வான்ஸ்ட் கியோஸ்க் (Advanced Kiosk) பொதுமக்கள் மற்றும் சுற்றுலாப் பயணிகளின் பாதுகாப்பை உறுதி செய்யும் நோக்கில் வடிவமைக்கப்பட்டுள்ளது.

இதில் சுற்றுலாத் தலங்கள் பற்றிய தகவல்கள், காவல்துறை தொடர்பு எண்கள் உள்ளிட்ட பல சிறப்பு சேவைகள் இடம்பெற்றுள்ளன.

அவசர உதவி (SOS & Video Conference):
பொதுமக்கள் தங்களின் அவசரத் தேவைகளுக்காக காவல்துறையை உடனடியாகத் தொடர்பு கொள்ளும் வகையில், இதில் வீடியோ கான்பரன்சிங் (Video Conferencing) வசதி மற்றும் SOS பொத்தான் போன்ற அம்சங்கள் இணைக்கப்பட்டுள்ளன.

தென் தமிழகத்தில் இத்தகைய நவீன முன்னெடுப்பு மேற்கொள்ளப்படுவது முதன்முறையென காவல்துறை தரப்பில் தெரிவிக்கப்பட்டுள்ளது.

திரிவேணி சங்கமத்தைத் தொடர்ந்து, பொதுமக்கள் மற்றும் சுற்றுலாப் பயணிகள் அதிகம் கூடும் மாவட்டத்தின் பிற முக்கிய பகுதிகளிலும் இந்த கியோஸ்க் விரைவில் அமைக்கப்படும் என்றும் கூறப்பட்டுள்ளது.

காவல்துறையின் இந்த நவீன முயற்சி, பொதுமக்கள் மற்றும் சமூக ஆர்வலர்களிடையே பெரும் வரவேற்பைப் பெற்றுள்ளது.

தமிழக விடியல் செய்திகளுக்காக கேமராமேன் ஜெனீருடன்
குமரி மாவட்ட நிருபர் பாவலர் ரியாஸ்.