செப் 26 கன்னியாகுமரி –

கன்னியாகுமரி மாவட்டம் காளி கேசம் பகுதியில் கடந்த சில நாட்களாக இடையறாத மழை பெய்து வருவதால் ஆற்றில் நீர்வரத்து கணிசமாக அதிகரித்துள்ளது.

இதனால் ஆற்றின் ஓட்டம் வேகமாக இருந்து, சுற்றுலா பயணிகளின் உயிர் பாதுகாப்பு தரப்பில் அதிக ஆபத்து நிலவுகிறது.

இதனை முன்னிட்டு, இன்று காளி கேசம் ஆற்றில் சுற்றுலா பயணிகள் குளிப்பதற்கு அனுமதி வழங்கப்படமாட்டாது என வனத்துறை சார்பில் அதிகாரப்பூர்வமாக அறிவிக்கப்பட்டுள்ளது.

மேலும், பொதுமக்கள் தங்கள் பாதுகாப்பிற்காக விதிகளை மதித்து ஒத்துழைக்குமாறு வனத்துறை கேட்டுக்கொண்டுள்ளது.

வனத்துறை அதிகாரிகள் தெரிவித்ததாவது – “ஆற்றின் நீர் மட்டம் அதிகரித்திருப்பதால் சுழல் அலைகள் மற்றும் கடும் நீரோடையின் காரணமாக விபத்து ஏற்படும் அபாயம் உள்ளது. எனவே சுற்றுலா பயணிகள் ஆற்றுக்குள் செல்லாமல், சுற்றியுள்ள அழகிய இயற்கை காட்சிகளை மட்டுமே ரசிக்குமாறு கேட்டுக்கொள்கிறோம்” என்றனர்.

இதனால், காளி கேசம் பகுதியை இன்று பார்வையிடும் சுற்றுலா பயணிகள் குளிப்பதற்கான திட்டத்தை தவிர்த்து, சுகாதாரமும், பாதுகாப்பும் கருதி வனத்துறையின் அறிவிப்பை கடைப்பிடிக்க வேண்டியுள்ளது.

குமரி மாவட்ட தமிழக விடியல் நிருபர் – பாவலர் ரியாஸ்.