வாணியம்பாடி,நவ.9- சென்னை விமான நிலையத்தில் பாஜக தேசிய செயலாளர் எச் ராஜா செய்தியாளர்களை சந்தித்துள்ளார். அப்போது அமரன் திரைப்படம் குறித்து செய்தியாளர்கள் கேள்வி எழுப்பியபோது மனிதநேய மக்கள் கட்சி தலைவர் ஜவாஹிருல்லாஹ்வை அவதூறாக பேசியுள்ளார்.
இதனை கண்டிக்கும் வகையில் திருப்பத்தூர் மாவட்டம் வாணியம்பாடி நகர காவல் நிலையத்தில் மனிதநேய மக்கள் கட்சி மாவட்ட செயலாளர் டி.இக்பால் அஹமத் தலைமையில் அக்கட்சியினர் பாஜக தேசிய செயலாளர் எச்.ராஜா மீது புகார் மனு அளித்தனர்.
பின்னர் நகர காவல் நிலையம் முன்பு எச்.ராஜாவை கண்டித்தும், அவரை கைது செய்ய வலியுறுத்தி கண்டன கோஷங்களை எழுப்பினர். இதனால் அப்பகுதியில் சிறிது நேரம் பரபரப்பு ஏற்பட்டது.
அப்போது தமுமுக மாவட்ட செயலாளர் ஷுகூர், மனிதநேய மக்கள் கட்சி மாவட்ட துணை செயலாளர்கள் கலீம் பாஷா, பி.முஹம்மத் அனீஸ் உட்பட கட்சி நிர்வாகிகள் உடன் இருந்தனர்.
நிருபர்
அப்சர் மர்வான்
திருப்பத்தூர் மாவட்டம்
