உடுமலை, நவம்பர் 03:

திருப்பூர் மாவட்டம் உடுமலை அருகே உள்ள பள்ள பாளையத்தில் கார்த்திகை தீபத் திருவிழாவிற்காக மண் விளக்குகள் தயாரிக்கும் பணி தீவிரமாக நடந்து வருகிறது.

மண்பாண்டங்கள் பயன்படுத்தும் ஆர்வம் தற்போது பொது களிடம் பொதுமக்களிடம் அதிகரித்து வரும் நிலையில் பொதுமக்கள் தீப ஒளி திருநாளாம், திருக்கார்த்திகை தீபம் வரும், 13 ம் தேதி கொண்டாடப்படுகிறது.

வீடுகள், கடைகள், தொழிற்சாலைகள், கோவில் மற்றும் தெருக்கள் என நல்லெண்ணெய் விளக்குகள் வைத்து பாரம்பரியமாக வழிபட்டு வருகின்றனர்.

திருக்கார்த்திகைக்குத் தேவையான மண் விளக்குகள் தயாரிக்கும் பணி, உடுமலை பகுதிகளில் தீவிரமாக நடந்து வருகிறது.

புக்குளம், பூளவாடி, பள்ளபாளையம் என, உடுமலை சுற்றுப் பகுதிகளில் ஏராளமான மண்பாண்ட தொழிலாளர்கள் பாரம்பரியமாக செய்து வருகின்றனர்.

விளக்குகள் தயாரிக்கும் பணியில் ஈடுபட்டுள்ள பஞ்சலிங்கம் கூறியதாவது :
கார்த்திகை தீபத்திற்கு ஒரு முக விளக்கு 2 முக விளக்கு ஐந்து முக விளக்கு பத்து முக விளக்கு என பல்வேறு உதவிகளை தயார் செய்து கொள்கிறோம் மேலும் கொடிக்கம்பத்திற்கு வைக்கக்கூடிய பெரிய வகை விளக்குகளும் தயார் செய்யப்படுகிறது.

பரம்பரை பரம்பரையாக இந்த தொழிலை செய்து வருகிறோம்.

மண்பாண்டங்கள் தயாரிப்பதற்கு என, தனியாக மண் உள்ளது. செம்மண், களிமண், மணல் ஆகியவற்றை முறையாக கலந்து, நீரில் கரைத்து, கற்கள், குப்பை அகற்ற வடிகட்டப் படுகிறது.

அதற்குப்பிறகு, பிசைந்து பசை போல் ஆன பிறகு, மண் சக்கரத்தில் இட்டு சுழற்றப் பட்டு, விளக்குகளாக மாற்றப்படுகிறது. அதற்கு பிறகு, சூளையில் வைத்து, 15 நாட்கள் வரை வேகவைத்து, விளக்குகள் தயார் செய்யப்படுகிறது.

சிறிய சுட்டி விளக்குகள், டஜன் 12 ரூபாய்க்கும், பெரிய விளக்குகள் ரகத்திற்கு ஏற்ப, 10 ரூபாய் வரை விற்கப்படுகிறது.

கோவில்களுக்கும், தீப கம்பங்களுக்கும், ஒரு லிட்டர் முதல் ஐந்து லிட்டர் கொள்ளளவு கொண்ட விளக்குகளும் தயாரிக்கப்படுகிறது.

உடுமலை பகுதிகளில் உற்பத்தி செய்யும் விளக்குகள், கோவை, திருப்பூர், திண்டுக்கல் கேரளா மூணாறு பாலக்காடு உள்ளிட்ட பகுதிகளுக்கு விற்பனைக்கு அனுப்பி வைக்கப்படுகிறது என்றார்.